ചെറിയ പ്രശ്നങ്ങളും പ്രതിസന്ധികളും ചിന്താക്കുഴപ്പങ്ങളുമൊക്കെയായി ഇത്തവണത്തെ വസന്തകാലം പെട്ടെന്നങ്ങ് കടന്നുപോയി. യൂറോപ്പിൽ യാത്ര ചെയ്യാൻ അനുയോജ്യമായ സമയം വസന്തകാലമാണ്. അരങ്ങൊഴിഞ്ഞ ശൈത്യത്തിന്റെ നേരിയ തണുപ്പും തെളിഞ്ഞ ആകാശവും എങ്ങെങ്ങും പെട്ടിവിരിയുന്ന നാനാതരം പുഷ്പങ്ങളുടെ വർണ്ണചാരുതയും അങ്ങനെ ഒരു യാത്രികനെ പ്രകൃതി മാടിവിളിക്കുന്ന മനോഹരമായ സമയം. ഇങ്ങനെയൊരു സമയത്ത് വീട്ടിൽ വെറുതേ കുത്തിയിരിക്കുന്നത് “നിന്ദ്യവും പൈശാചിക“വുമാണെന്ന തോന്നലാണ് പെട്ടെന്നൊരു യാത്ര പുറപ്പെടാനുള്ള കാരണം. ഒന്നും പ്ലാൻ ചെയ്യാതെ ഒരു യാത്ര, ബെൽജിയത്തിലെ ബ്രസൽ‌സ്സിലേക്ക് .
സ്റ്റുട്ട്ഗാർട്ടിൽ നിന്നും 400 കിമീ വടക്കു പടിഞ്ഞാറായാണ് യൂറോപ്യൻ യൂണിയന്റെ ഹെഡ്ക്വാർട്ടേർസും ഐക്യ യൂറോപ്പിന്റെ അനൌദ്യോഗിക തലസ്ഥാനവുമായ ബ്രസൽ‌സ്സ്. തെക്കൻ ജർമ്മനിയിൽ നിന്ന് ബെൽജിയത്തിലേക്ക് കടക്കേണ്ടത് ലക്സംബർഗ്ഗ് എന്ന ചെറിയ രാജ്യത്തിലൂടെയാണ്.അങ്ങനെ ലക്സംബർഗും അജണ്ടയിൽ സ്ഥാനം നേടി.
ലോകത്തിലെ രണ്ടാമത്തെ സമ്പന്ന രാജ്യമാണത്രേ ലക്സംബർഗ്. ആ നിലവാരം ഹൈവേകൾക്കും ഇരുവശത്തുമുള്ള കെട്ടിടങ്ങൾക്കും കാണാം. ലക്സംബർഗിന്റെ തലസ്ഥാനം അതേ പേരുള്ള ലക്സംബർഗ് നഗരമാണ്.
രാജ്യാതിർത്തിയിൽ നിന്ന് 40 കിമി യാത്ര ചെയ്താൽ തലസ്ഥാനത്തെത്താം. അവിടെയുള്ള അമേരിക്കൻ മിലിട്ടറി സെമിത്തേരിയിലേക്കാണ് ആദ്യയാത്ര. രണ്ടാം ലോകമഹായുദ്ധകാലത്തെ രക്തരൂക്ഷിതമായ പോരാട്ടങ്ങളിലൊന്ന് ലക്സംബർഗ് പിടിച്ചെടുത്ത ജർമ്മൻ നാസിപ്പട്ടാളവും മോചിപ്പിക്കാനെത്തിയ അമേരിക്കൻ സഖ്യസൈന്യവും തമ്മിലുള്ളതായിരുന്നു.1944 ലെ ശൈത്യകാലത്തെ കൊടും‌തണുപ്പിൽ പോരാടി വീണ 5700 ലധികം അമേരിക്കൻ സൈനികരുടെ സ്മാരകമാണ് അമേരിക്കൻ മിലിട്ടറി സെമിത്തേരി.
പൂത്തുലഞ്ഞു നിൽക്കുന്ന മേപ്പിൾ മരങ്ങളാണ് സെമിത്തേരിയുടെ കവാടത്തിൽ. അകത്ത് വെള്ളനിറത്തിൽ വരിവരിയായി സ്ഥാപിച്ചിട്ടുള്ള കുരിശുകൾ.അപൂർവ്വം ജൂതസൈനികരുടെ കുടീരങ്ങളിൽ നക്ഷത്ര ചിഹ്നവുമുണ്ട്. സ്പിൽബർഗ്ഗിന്റെ “സേവിങ് പ്രൈവറ്റ് റ്യാൻ” എന്ന ചിത്രത്തിൽ ഇത്തരമൊരു മിലിട്ടറി സെമിത്തേരിയുടെ ദൃശ്യമുണ്ടായിരുന്നത് മനസ്സിലേക്കു വന്നു
ഞങ്ങളെക്കൂടാതെ അവിടെയുള്ളത് ഒരു വൃദ്ധദമ്പതികൾ മാത്രം. ഇതിനു തൊട്ടടുത്തായി തന്നെ ഒരു ജർമ്മൻസെമിത്തേരിയുമുണ്ടത്രേ. അവിടെ അന്ത്യവിശ്രമം കൊള്ളുന്നത് 11000 പേരാണ്.
അവിടെ നിന്ന് അധികദൂരമില്ല നഗരമധ്യത്തിലേക്ക്. അലസസുന്ദരമായ ഒരു നഗരമാണ് ലക്സംബർഗ്. ധൃതിയോ ബഹളമോ ഒരിടത്തുമില്ല. ഒരു മേഡീവൽ നഗരത്തിന്റെ എല്ലാ സൌന്ദര്യവും നിറഞ്ഞ ഒരു ചെറു പട്ടണം. 95000 ആണ് നഗരത്തിലെ ജനസംഖ്യ. ഫ്രഞ്ചും ജർമ്മനുമാണ് പ്രധാന ഭാഷകൾ. എല്ലയിടത്തും ഇരുഭാഷകളിലെയും ബോർഡുകൾ സ്ഥാപിച്ചിട്ടുണ്ട്. നഗരം ചുറ്റിക്കാണാൻ ഏറ്റവും നല്ല വഴി നടപ്പു തന്നെ. ഒരു പാർക്കിങ് സെന്ററിൽ വാഹനം പാർക്ക് ചെയ്ത് നഗരഹൃദയത്തിലേക്ക് നടന്നു.
രണ്ടു നിരപ്പിലായാണ് ലക്സംബർഗ് നഗരം. പുരാതനനഗരമായ വില്ലേ ഹൌടെ ആണ് മുകളിൽ. ലക്സംബർഗ്ഗിലെ നദിയായ അത്സെറ്റെ നദിയുടെ താഴ്വാരമാണ് ഗ്രുണ്ട് എന്നറിയപ്പെടുന്ന താഴ്ഭാഗം. വില്ലെ ഹൌടെയിൽ നിന്ന് താഴേക്കിറങ്ങുന്ന വഴിയിലാണ് കാസ്മേറ്റ്സ് ബോക്ക് എന്ന (Casmates Bock)പാറക്കെട്ടുകൾ. ഈ പാറക്കെട്ടുകളിലെ തുരങ്കങ്ങളിൽ നിർമ്മിച്ച കോട്ടകളാണ് കാസ്മേറ്റ്സ് ബോക്കിനെ സന്ദർശകർക്ക് പ്രിയങ്കരമാക്കുന്നത്. ടിക്കറ്റെടുത്ത് അകത്തു കയറിയാൽ കോട്ടക്കകത്തെ പാറക്കല്ലുകൾ കൊണ്ടു തീർത്ത ഇടനാഴികളിലും മുറികളിലുമായി അലഞ്ഞു നടക്കാം.വഴി തെറ്റരുതെന്ന് മാത്രം.
11ആം നൂറ്റാണ്ടിൽ ലക്സംബർഗ് സ്പെയിനിന്റെ ഭരണത്തിലായിരുന്നപ്പോഴാണ് ആദ്യമായി കാസ്മേറ്റ്സ് ബോക്കിന്റെ നിർമ്മാണം തുടങ്ങിയത്. .ചരിത്രപ്രാധാന്യവും പൈതൃകമൂല്യവും കൊണ്ട് World Heritage site ആയി അംഗീകരിക്കപ്പെട്ടതാണ് കാസ്മേറ്റ്സ് ബോക്ക് .രണ്ടാം ലോക മഹായുദ്ധകാലത്ത് ബോംബിങ്ങിൽ നിന്നും രക്ഷപ്പെടാൻ ലക്സംബർഗ്ഗിലെ ജനങ്ങൾ മുഴുവൻ ഇവിടെയാണ് കഴിച്ചുകൂട്ടിയത് എന്നു പറയുമ്പോൾ തന്നെ കാസ്മേറ്റ്സ് ബോക്കിന്റെ വലിപ്പം ഊഹിക്കാമല്ലോ. ആൾക്കാരെ കൂടാതെ അവർക്കുള്ള ഭക്ഷ്യധാന്യങ്ങളും മറ്റ് അവശ്യവസ്തുക്കളുമെല്ലാം സൂക്ഷിച്ചിരുന്നത് ഇവിടെയുള്ള ബങ്കറുകളിലായിരുന്നു.
കാസ്മേറ്റ്സ് ബോക്കിൽ നിന്നിറങ്ങി നഗരത്തിലൂടെ ചുറ്റിനടന്ന് ഭക്ഷണവും കഴിച്ച് ചില സുവനീറുകളും വാങ്ങി ബ്രസൽ‌സിലേക്ക് തിരിച്ചു.
യൂറോപ്പിൽ നിന്നും പുറത്തു കടന്ന ഒരു പ്രതീതിയാണ് ബ്രസൽ‌സിലെത്തിയാൽ. പലതരം ഗ്രാഫിറ്റികൾ കൊണ്ട് വൃത്തികേടക്കിയ അറുപഴഞ്ചൻ കെട്ടിടങ്ങൾ. നിരത്തുകളിൽ അലക്ഷ്യമായി വലിച്ചെറിഞ്ഞിരിക്കുന്ന ചപ്പുചവറുകൾ. ഫുട്പാത്തിലും ട്രാംവേയിലും ഇടിച്ചു കയറ്റി ഓവർടേക്ക് ചെയ്യുന്ന വാഹനങ്ങൾ. യൂറോപ്പിന്റെ തലസ്ഥാനമാക്കാൻ ഒട്ടും അനുയോജ്യമല്ലാത്ത ഒരു നഗരം.
ബ്രസൽ‌സിന്റെ മുഖമുദ്രകളിലൊന്നായ അറ്റോമിയമായിരുന്നു ആദ്യലക്ഷ്യം.ഒരു ആറ്റത്തിന്റെ ആന്തരികഘടനയുടെ രൂപത്തിലുള്ള ഒരു എക്സിബിഷൻ സ്റ്റാളാണ് അറ്റോമിയം. 1985 ൽ താൽകാലികമായി നിർമ്മിച്ച അറ്റോമിയം ജനപ്രീതി കാരണം സ്ഥിരമാക്കുകയായിരുന്നു. അറ്റോമിയത്തിന്റെ പല മാതൃകകൾ ലോകമെങ്ങും കാണാം.
അറ്റോമിയത്തിനടുത്തായി ഒരു മിനിയേച്ചർ യൂറോപ്പാ പാർക്കുമുണ്ട്. ലണ്ടൻ ബ്രിഡ്ജും ഈഫൽടവറും പിസാഗോപുരവുമൊക്കെ ഉൾപ്പടെ ലോകത്തിലെ പ്രധാനആകർഷണങ്ങളുടെ ചെറിയ ചെറിയ രൂപങ്ങളാണ് മിനിയേച്ചർ പാർക്കിൽ.
അറ്റോമിയത്തിനടുത്തു നിന്ന് തിരിച്ച് യൂറോപ്യൻ പാർലമെന്റിനരികിലെത്തിയപ്പോൾ സമയം 7 മണി കഴിഞ്ഞു.സന്ദർശനസമയം കഴിഞ്ഞതിനാൽ പാർലമെന്റ് സമുച്ചയത്തിനകത്തു ചുറ്റി കാഴ്ചകൾ കണ്ടു നടന്നു. അത്യാധുനികമായ ഒരു കെട്ടിടം എന്നല്ലാതെ യൂറോപ്യൻ പാർലമെന്റ് അത്ര ആകർഷകമായി തോന്നിയില്ല. രണ്ടു നഗരങ്ങളിലായാണത്രേ യൂറോപ്പിന്റെ ഭരണം.. ജർമ്മൻ-ഫ്രഞ്ച് അതിർത്തി നഗരമായ സ്റ്റ്ട്രാസ്ബുർഗ് ആണ് മറ്റേ തലസ്ഥാനം.
പാർലമെന്റ് സമുച്ചയത്തിലെ “Statue of Europe (also referred to as Unity in Peace)” കാണമെന്നുണ്ടായിരുന്നു. വിദഗ്ദ്ധശില്പിയായ Bernard Romain കീഴിൽ അന്ധരായ ഒരു കൂട്ടം കുട്ടികൾ നിർമ്മിച്ചതാണ് ഈ ശില്പം. പക്ഷേ തണുപ്പു കടുത്തു വരുന്നു. ഒരു മഴക്കോളും കാണുന്നുണ്ട്. സമയം കളയാതെ ഹോട്ടലിലേക്കു തിരിച്ചു.
ബ്രസൽ‌സ്സിന്റെ മാസ്റ്റർപീസ് ലാൻഡ്മാർക്കായ മാനേക്കൻ പിസ് കാണാനിറങ്ങിയത് അടുത്ത ദിവസം രാവിലെയാണ്. സംഭവം എന്താണെന്ന് ഒരു രൂപരേഖ ഉണ്ടായിരുന്നതു കൊണ്ട് സ്ഥലത്തെത്തിയപ്പോൾ ഞെട്ടിയില്ല. ബ്രസൽ‌സിന്റെ തിരക്കുപിടിച്ച തെരുവീഥികളിലൊരിടത്ത് (Rue de l'Étuve) പബ്ലിക്കായി മുള്ളുന്ന ഒരു ചെറുക്കന്റെ ചെമ്പുശില്പമാണ് ബ്രസൽ‌സ്സിന്റെ ടൂറിസ്റ്റ്ഭൂപടത്തിൽ ഒന്നാം സ്ഥാനത്തിരുന്ന് സന്ദർശകരെ ആകർഷിക്കുന്ന മനേക്കൻ പിസ്. 1619 ലാണ് ആദ്യമായി ഈ ശില്പം സ്ഥാപിച്ചത്. അതിനുശേഷം പലതവണ ഇത് മോഷണം പോയത്രേ. 1965 ഉണ്ടാക്കിയ ഒരു മാതൃകയാണ് നമ്മൾ ഇപ്പോൾ കാണുന്നത്.സംഭവങ്ങളൊന്നുമറിയാതെ യഥാർത്ഥ ചെറുക്കനിപ്പോഴും ഗ്രാൻഡ് പ്ലാസിലെ മ്യൂസിയത്തിലിരുന്നു സ്വസ്ഥനായി മുള്ളുന്നു.
പല രസകരമായ കഥകളും മാനേക്കൻ പിസിന്റെ നിർമ്മാണത്തിനു മുന്നിലുണ്ട്. അതിലേറ്റവും പ്രശസ്തമായത് ജൂലിയൻസ്കെ എന്ന പേരുള്ള ഒരു കുട്ടിയുടെ കഥയാണ്. 14ആം നൂറ്റാണ്ടിൽ ബ്രസൽ‌സ് ആക്രമിച്ച വിദേശശക്തികൾ രാജാവിന്റെ കൊട്ടാരം സ്ഫോടകവസ്തുക്കൾ ഉപയോഗിച്ചു തകർക്കാൻ തീരുമാനിച്ചു. ഈ പദ്ധതി ഒളിച്ചിരുന്നു കേട്ട ജൂലിയൻസ്കെ രാത്രി ആ ബോംബിന്റെ ഫ്യൂസിൽ മൂത്രമൊഴിച്ച് അതു നിർവീര്യമാക്കിയത്രെ. അങ്ങനെ രാജാവിനെയും കൊട്ടാരത്തെയും രക്ഷിച്ച ജൂലിയൻസ്കെയുടെ സ്മരണാർത്ഥമാണ് ഈ ശില്പം സ്ഥാപിച്ചിരിക്കുന്നത്. 14ആം നൂറ്റാണ്ടിൽ ബോംബും ഫ്യൂസും എവിടെന്നു വന്നു എന്നു ചോദിക്കരുത്. കഥയിൽ ചോദ്യമില്ല.
സീസണനുസരിച്ച് പല പല വേഷവിധാനങ്ങൾ മനേക്കൻ പിസിനെ അണിയിക്കാറുണ്ട്. ചില അവസരങ്ങളിൽ ഫൌണ്ടനിൽ വെള്ളത്തിനു പകരം ബിയർ നിറക്കും. അങ്ങനെ മൂത്രമൊഴിച്ചു വരുന്ന ബിയർ പോലീസുകാർ ഗ്ലാസിലാക്കി വഴിയാത്രക്കാർക്ക് കൊടുക്കും. ഒരു ഗ്ലോറിഫൈഡ് മൂത്രം കുടി.
മനേക്കൻ പിസിനു പരിസരത്തായി ബെൽജിയം ചോക്ലേറ്റ്സ് കിട്ടുന്ന ധാരാളം ചെറിയ കടകളുണ്ട്. വായിലിട്ടാൽ അലിഞ്ഞലിഞ്ഞു തീരുന്ന കയ്പ്പും മധുരവുമുള്ള ഡാർക്ക് ചോക്ലേറ്റ്സ്. ബെൽജിയത്തിലെ പ്രധാന വ്യവസായങ്ങളിലൊന്നാണ് ചോക്ലേറ്റ് നിർമ്മാണം.
Rue de l'Étuve ഇൽ നിന്ന് അല്പം നടന്നാൽ ഗ്രാൻഡ് പ്ലാസിലെത്താം. 4 നൂറ്റാണ്ടിന്റെ ചരിത്രമുള്ള ഒരു സ്ക്വയർ ആണ് ഗ്രാൻഡ് പ്ലാസ്. ശില്പചാതുരിയുള്ള കെട്ടിടങ്ങളും സ്ക്വയറിന്റെ ഭംഗി കാൻ‌വാസിലൊപ്പിയെടുക്കുന്ന ചിത്രകാരന്മാരും തെരുവ് കച്ചവടക്കരുമൊക്കെ ചേർന്ന് ഒരുത്സവാന്തരീക്ഷം ഗ്രാൻഡ് പ്ലാസിനു കൊടുക്കുന്നുണ്ടായിരുന്നു. വസന്തത്തിലെ ചില ദിവസങ്ങളിൽ നമ്മുടെ അത്തപ്പൂക്കളം പോലെ പൂക്കൾ കൊണ്ടുള്ള ഒരു കാർപെറ്റ് ഗ്രാൻഡ്പ്ലാസിലൊരുക്കുമത്രെ. നിർഭാഗ്യവശാൽ അതു കാണാനുള്ള അവസരമുണ്ടായില്ല.
ഗ്രാൻഡ് പ്ലാസിൽ നിന്നിറങ്ങിയപ്പോൾ സമയം ഉച്ചയായി. ബ്രസൽ‌സിലെ കാണാക്കാഴ്ചകൾ ഉപേക്ഷിച്ച് റൂട്ടൽ‌പ്പം മാറ്റി പിടിക്കാൻ തീരുമാനിച്ചു. പണ്ടൊരിക്കൽ ആശിച്ചു മോഹിച്ചു വന്നിട്ട് ട്രെയിനിന്റെ സമയപ്പിഴ കാരണം ഉപേക്ഷിക്കേണ്ടി വന്നതാണ് കൊളോണിലെ വലിയ പള്ളി. ബ്രസൽ‌സിൽ നിന്ന് അധികദൂരമില്ല കൊളോൺ. യൂറോപ്പിന്റെ തലസ്ഥാനത്തോട് വിട ചൊല്ലി കൊളോണിലേക്ക് തിരിച്ചു.
സ്റ്റുട്ട്ഗാർട്ടിൽ നിന്നും 400 കിമീ വടക്കു പടിഞ്ഞാറായാണ് യൂറോപ്യൻ യൂണിയന്റെ ഹെഡ്ക്വാർട്ടേർസും ഐക്യ യൂറോപ്പിന്റെ അനൌദ്യോഗിക തലസ്ഥാനവുമായ ബ്രസൽ‌സ്സ്. തെക്കൻ ജർമ്മനിയിൽ നിന്ന് ബെൽജിയത്തിലേക്ക് കടക്കേണ്ടത് ലക്സംബർഗ്ഗ് എന്ന ചെറിയ രാജ്യത്തിലൂടെയാണ്.അങ്ങനെ ലക്സംബർഗും അജണ്ടയിൽ സ്ഥാനം നേടി.
 |
| ലക്സംബർഗ് |
ലോകത്തിലെ രണ്ടാമത്തെ സമ്പന്ന രാജ്യമാണത്രേ ലക്സംബർഗ്. ആ നിലവാരം ഹൈവേകൾക്കും ഇരുവശത്തുമുള്ള കെട്ടിടങ്ങൾക്കും കാണാം. ലക്സംബർഗിന്റെ തലസ്ഥാനം അതേ പേരുള്ള ലക്സംബർഗ് നഗരമാണ്.
രാജ്യാതിർത്തിയിൽ നിന്ന് 40 കിമി യാത്ര ചെയ്താൽ തലസ്ഥാനത്തെത്താം. അവിടെയുള്ള അമേരിക്കൻ മിലിട്ടറി സെമിത്തേരിയിലേക്കാണ് ആദ്യയാത്ര. രണ്ടാം ലോകമഹായുദ്ധകാലത്തെ രക്തരൂക്ഷിതമായ പോരാട്ടങ്ങളിലൊന്ന് ലക്സംബർഗ് പിടിച്ചെടുത്ത ജർമ്മൻ നാസിപ്പട്ടാളവും മോചിപ്പിക്കാനെത്തിയ അമേരിക്കൻ സഖ്യസൈന്യവും തമ്മിലുള്ളതായിരുന്നു.1944 ലെ ശൈത്യകാലത്തെ കൊടും‌തണുപ്പിൽ പോരാടി വീണ 5700 ലധികം അമേരിക്കൻ സൈനികരുടെ സ്മാരകമാണ് അമേരിക്കൻ മിലിട്ടറി സെമിത്തേരി.
 |
| അമേരിക്കൻ മിലിട്ടറി സെമിത്തേരി |
പൂത്തുലഞ്ഞു നിൽക്കുന്ന മേപ്പിൾ മരങ്ങളാണ് സെമിത്തേരിയുടെ കവാടത്തിൽ. അകത്ത് വെള്ളനിറത്തിൽ വരിവരിയായി സ്ഥാപിച്ചിട്ടുള്ള കുരിശുകൾ.അപൂർവ്വം ജൂതസൈനികരുടെ കുടീരങ്ങളിൽ നക്ഷത്ര ചിഹ്നവുമുണ്ട്. സ്പിൽബർഗ്ഗിന്റെ “സേവിങ് പ്രൈവറ്റ് റ്യാൻ” എന്ന ചിത്രത്തിൽ ഇത്തരമൊരു മിലിട്ടറി സെമിത്തേരിയുടെ ദൃശ്യമുണ്ടായിരുന്നത് മനസ്സിലേക്കു വന്നു
 |
| മരിക്കാത്ത ഓർമ്മകൾ |
ഞങ്ങളെക്കൂടാതെ അവിടെയുള്ളത് ഒരു വൃദ്ധദമ്പതികൾ മാത്രം. ഇതിനു തൊട്ടടുത്തായി തന്നെ ഒരു ജർമ്മൻസെമിത്തേരിയുമുണ്ടത്രേ. അവിടെ അന്ത്യവിശ്രമം കൊള്ളുന്നത് 11000 പേരാണ്.
 |
| കവാടം |
അവിടെ നിന്ന് അധികദൂരമില്ല നഗരമധ്യത്തിലേക്ക്. അലസസുന്ദരമായ ഒരു നഗരമാണ് ലക്സംബർഗ്. ധൃതിയോ ബഹളമോ ഒരിടത്തുമില്ല. ഒരു മേഡീവൽ നഗരത്തിന്റെ എല്ലാ സൌന്ദര്യവും നിറഞ്ഞ ഒരു ചെറു പട്ടണം. 95000 ആണ് നഗരത്തിലെ ജനസംഖ്യ. ഫ്രഞ്ചും ജർമ്മനുമാണ് പ്രധാന ഭാഷകൾ. എല്ലയിടത്തും ഇരുഭാഷകളിലെയും ബോർഡുകൾ സ്ഥാപിച്ചിട്ടുണ്ട്. നഗരം ചുറ്റിക്കാണാൻ ഏറ്റവും നല്ല വഴി നടപ്പു തന്നെ. ഒരു പാർക്കിങ് സെന്ററിൽ വാഹനം പാർക്ക് ചെയ്ത് നഗരഹൃദയത്തിലേക്ക് നടന്നു.
 |
| അലസസുന്ദരം |
രണ്ടു നിരപ്പിലായാണ് ലക്സംബർഗ് നഗരം. പുരാതനനഗരമായ വില്ലേ ഹൌടെ ആണ് മുകളിൽ. ലക്സംബർഗ്ഗിലെ നദിയായ അത്സെറ്റെ നദിയുടെ താഴ്വാരമാണ് ഗ്രുണ്ട് എന്നറിയപ്പെടുന്ന താഴ്ഭാഗം. വില്ലെ ഹൌടെയിൽ നിന്ന് താഴേക്കിറങ്ങുന്ന വഴിയിലാണ് കാസ്മേറ്റ്സ് ബോക്ക് എന്ന (Casmates Bock)പാറക്കെട്ടുകൾ. ഈ പാറക്കെട്ടുകളിലെ തുരങ്കങ്ങളിൽ നിർമ്മിച്ച കോട്ടകളാണ് കാസ്മേറ്റ്സ് ബോക്കിനെ സന്ദർശകർക്ക് പ്രിയങ്കരമാക്കുന്നത്. ടിക്കറ്റെടുത്ത് അകത്തു കയറിയാൽ കോട്ടക്കകത്തെ പാറക്കല്ലുകൾ കൊണ്ടു തീർത്ത ഇടനാഴികളിലും മുറികളിലുമായി അലഞ്ഞു നടക്കാം.വഴി തെറ്റരുതെന്ന് മാത്രം.
 |
| കാസ്മേറ്റ്സ് ബോക്ക്..ലോകപൈതൃകം |
11ആം നൂറ്റാണ്ടിൽ ലക്സംബർഗ് സ്പെയിനിന്റെ ഭരണത്തിലായിരുന്നപ്പോഴാണ് ആദ്യമായി കാസ്മേറ്റ്സ് ബോക്കിന്റെ നിർമ്മാണം തുടങ്ങിയത്. .ചരിത്രപ്രാധാന്യവും പൈതൃകമൂല്യവും കൊണ്ട് World Heritage site ആയി അംഗീകരിക്കപ്പെട്ടതാണ് കാസ്മേറ്റ്സ് ബോക്ക് .രണ്ടാം ലോക മഹായുദ്ധകാലത്ത് ബോംബിങ്ങിൽ നിന്നും രക്ഷപ്പെടാൻ ലക്സംബർഗ്ഗിലെ ജനങ്ങൾ മുഴുവൻ ഇവിടെയാണ് കഴിച്ചുകൂട്ടിയത് എന്നു പറയുമ്പോൾ തന്നെ കാസ്മേറ്റ്സ് ബോക്കിന്റെ വലിപ്പം ഊഹിക്കാമല്ലോ. ആൾക്കാരെ കൂടാതെ അവർക്കുള്ള ഭക്ഷ്യധാന്യങ്ങളും മറ്റ് അവശ്യവസ്തുക്കളുമെല്ലാം സൂക്ഷിച്ചിരുന്നത് ഇവിടെയുള്ള ബങ്കറുകളിലായിരുന്നു.
 |
| കാസ്മേറ്റ് ബോക്കിലെ ബങ്കറുകൾ |
കാസ്മേറ്റ്സ് ബോക്കിൽ നിന്നിറങ്ങി നഗരത്തിലൂടെ ചുറ്റിനടന്ന് ഭക്ഷണവും കഴിച്ച് ചില സുവനീറുകളും വാങ്ങി ബ്രസൽ‌സിലേക്ക് തിരിച്ചു.
 |
| ഗ്രുണ്ട്..കാസ്മേറ്റ്സ് ബോക്കിൽ നിന്നുള്ള ദൃശ്യം |
 |
| വഴിവാണിഭം |
ബ്രസൽ‌സിന്റെ മുഖമുദ്രകളിലൊന്നായ അറ്റോമിയമായിരുന്നു ആദ്യലക്ഷ്യം.ഒരു ആറ്റത്തിന്റെ ആന്തരികഘടനയുടെ രൂപത്തിലുള്ള ഒരു എക്സിബിഷൻ സ്റ്റാളാണ് അറ്റോമിയം. 1985 ൽ താൽകാലികമായി നിർമ്മിച്ച അറ്റോമിയം ജനപ്രീതി കാരണം സ്ഥിരമാക്കുകയായിരുന്നു. അറ്റോമിയത്തിന്റെ പല മാതൃകകൾ ലോകമെങ്ങും കാണാം.
 |
| അറ്റോമിയം |
അറ്റോമിയത്തിനടുത്തായി ഒരു മിനിയേച്ചർ യൂറോപ്പാ പാർക്കുമുണ്ട്. ലണ്ടൻ ബ്രിഡ്ജും ഈഫൽടവറും പിസാഗോപുരവുമൊക്കെ ഉൾപ്പടെ ലോകത്തിലെ പ്രധാനആകർഷണങ്ങളുടെ ചെറിയ ചെറിയ രൂപങ്ങളാണ് മിനിയേച്ചർ പാർക്കിൽ.
 |
| ഒരു ക്ലോസ് അപ്.. |
 |
| യൂറോപ്പിന്റെ തലസ്ഥാനം |
 |
| Unity in Peace - Statue of Europe |
ബ്രസൽ‌സ്സിന്റെ മാസ്റ്റർപീസ് ലാൻഡ്മാർക്കായ മാനേക്കൻ പിസ് കാണാനിറങ്ങിയത് അടുത്ത ദിവസം രാവിലെയാണ്. സംഭവം എന്താണെന്ന് ഒരു രൂപരേഖ ഉണ്ടായിരുന്നതു കൊണ്ട് സ്ഥലത്തെത്തിയപ്പോൾ ഞെട്ടിയില്ല. ബ്രസൽ‌സിന്റെ തിരക്കുപിടിച്ച തെരുവീഥികളിലൊരിടത്ത് (Rue de l'Étuve) പബ്ലിക്കായി മുള്ളുന്ന ഒരു ചെറുക്കന്റെ ചെമ്പുശില്പമാണ് ബ്രസൽ‌സ്സിന്റെ ടൂറിസ്റ്റ്ഭൂപടത്തിൽ ഒന്നാം സ്ഥാനത്തിരുന്ന് സന്ദർശകരെ ആകർഷിക്കുന്ന മനേക്കൻ പിസ്. 1619 ലാണ് ആദ്യമായി ഈ ശില്പം സ്ഥാപിച്ചത്. അതിനുശേഷം പലതവണ ഇത് മോഷണം പോയത്രേ. 1965 ഉണ്ടാക്കിയ ഒരു മാതൃകയാണ് നമ്മൾ ഇപ്പോൾ കാണുന്നത്.സംഭവങ്ങളൊന്നുമറിയാതെ യഥാർത്ഥ ചെറുക്കനിപ്പോഴും ഗ്രാൻഡ് പ്ലാസിലെ മ്യൂസിയത്തിലിരുന്നു സ്വസ്ഥനായി മുള്ളുന്നു.
 |
| മാനെക്കൻ പിസ്സ്...ആടയാഭരണങ്ങളനിഞ്ഞ് |
പല രസകരമായ കഥകളും മാനേക്കൻ പിസിന്റെ നിർമ്മാണത്തിനു മുന്നിലുണ്ട്. അതിലേറ്റവും പ്രശസ്തമായത് ജൂലിയൻസ്കെ എന്ന പേരുള്ള ഒരു കുട്ടിയുടെ കഥയാണ്. 14ആം നൂറ്റാണ്ടിൽ ബ്രസൽ‌സ് ആക്രമിച്ച വിദേശശക്തികൾ രാജാവിന്റെ കൊട്ടാരം സ്ഫോടകവസ്തുക്കൾ ഉപയോഗിച്ചു തകർക്കാൻ തീരുമാനിച്ചു. ഈ പദ്ധതി ഒളിച്ചിരുന്നു കേട്ട ജൂലിയൻസ്കെ രാത്രി ആ ബോംബിന്റെ ഫ്യൂസിൽ മൂത്രമൊഴിച്ച് അതു നിർവീര്യമാക്കിയത്രെ. അങ്ങനെ രാജാവിനെയും കൊട്ടാരത്തെയും രക്ഷിച്ച ജൂലിയൻസ്കെയുടെ സ്മരണാർത്ഥമാണ് ഈ ശില്പം സ്ഥാപിച്ചിരിക്കുന്നത്. 14ആം നൂറ്റാണ്ടിൽ ബോംബും ഫ്യൂസും എവിടെന്നു വന്നു എന്നു ചോദിക്കരുത്. കഥയിൽ ചോദ്യമില്ല.
 |
| തനിരൂപം...(ചിത്രം വിക്കിയിൽ നിന്ന്) |
 |
| മുള്ളുന്നതു കാണാൻ |
ചെറുക്കന്റെ മുള്ളിക്കളിക്കു ചുറ്റും നിരന്നു നിന്ന് പടം പിടിക്കുന്ന ഏഷ്യൻ ടൂറിസ്റ്റുകളാണ് മാനേക്കൻ പിസിന്റെ പ്രധാന ആകർഷണം. ഫൌണ്ടൻ തലയിലും വായിലുമൊക്കെ വന്നു വീഴുന്നെന്ന് തോന്നത്തക്കവിധം ചരിഞ്ഞും കിടന്നുമൊക്കെയാണ് പോസിങ്ങ്.
മനേക്കൻ പിസിനു പരിസരത്തായി ബെൽജിയം ചോക്ലേറ്റ്സ് കിട്ടുന്ന ധാരാളം ചെറിയ കടകളുണ്ട്. വായിലിട്ടാൽ അലിഞ്ഞലിഞ്ഞു തീരുന്ന കയ്പ്പും മധുരവുമുള്ള ഡാർക്ക് ചോക്ലേറ്റ്സ്. ബെൽജിയത്തിലെ പ്രധാന വ്യവസായങ്ങളിലൊന്നാണ് ചോക്ലേറ്റ് നിർമ്മാണം.
 |
| മാനേക്കൻ പിസ്സ് രൂപത്തിലുള്ള ചോക്ലേറ്റ്. |
Rue de l'Étuve ഇൽ നിന്ന് അല്പം നടന്നാൽ ഗ്രാൻഡ് പ്ലാസിലെത്താം. 4 നൂറ്റാണ്ടിന്റെ ചരിത്രമുള്ള ഒരു സ്ക്വയർ ആണ് ഗ്രാൻഡ് പ്ലാസ്. ശില്പചാതുരിയുള്ള കെട്ടിടങ്ങളും സ്ക്വയറിന്റെ ഭംഗി കാൻ‌വാസിലൊപ്പിയെടുക്കുന്ന ചിത്രകാരന്മാരും തെരുവ് കച്ചവടക്കരുമൊക്കെ ചേർന്ന് ഒരുത്സവാന്തരീക്ഷം ഗ്രാൻഡ് പ്ലാസിനു കൊടുക്കുന്നുണ്ടായിരുന്നു. വസന്തത്തിലെ ചില ദിവസങ്ങളിൽ നമ്മുടെ അത്തപ്പൂക്കളം പോലെ പൂക്കൾ കൊണ്ടുള്ള ഒരു കാർപെറ്റ് ഗ്രാൻഡ്പ്ലാസിലൊരുക്കുമത്രെ. നിർഭാഗ്യവശാൽ അതു കാണാനുള്ള അവസരമുണ്ടായില്ല.
 |
| പ്രൌഢം ..ഗ്രാൻഡ് പ്ലാസ് |
 |
| ചിത്രപ്പണികളുള്ള കെട്ടിടങ്ങൾ ..ഗ്രാൻഡ് പ്ലാസിൽ |
ഗ്രാൻഡ് പ്ലാസിൽ നിന്നിറങ്ങിയപ്പോൾ സമയം ഉച്ചയായി. ബ്രസൽ‌സിലെ കാണാക്കാഴ്ചകൾ ഉപേക്ഷിച്ച് റൂട്ടൽ‌പ്പം മാറ്റി പിടിക്കാൻ തീരുമാനിച്ചു. പണ്ടൊരിക്കൽ ആശിച്ചു മോഹിച്ചു വന്നിട്ട് ട്രെയിനിന്റെ സമയപ്പിഴ കാരണം ഉപേക്ഷിക്കേണ്ടി വന്നതാണ് കൊളോണിലെ വലിയ പള്ളി. ബ്രസൽ‌സിൽ നിന്ന് അധികദൂരമില്ല കൊളോൺ. യൂറോപ്പിന്റെ തലസ്ഥാനത്തോട് വിട ചൊല്ലി കൊളോണിലേക്ക് തിരിച്ചു.
 |
| കൊളോൺ കത്തീഡ്രൽ |
